كلمة وحرف (دكتور أحمد): يوليو 2010

سلاااااااااام عليكم

ماشفتش حد في حياتي قعد يتعلم حاجة
ثماني سنوات وما أتفنهاش زينا في مصر.. بندرس انجليزي شوف من كام سنة ومع ذلك نادر لما

تلاقي حد بيتقن الانجليزي، اللهم إلا لوكان من الجماعة اياهم بتوع المدارس اللغات (اللهم لا حسد :-) (هما اصحابي جدا على فكرة)

وده يا عزيزي راجع لأننا بنتعلم الانجليزي في مصر كمادة ومش كلغة

English as a subject

not English as a language.

ولك أن تتخيل يا رفيقي الفارق

البشع بين المعنيين. فالإنجليزي كمادة يعني إن الواد يقعد يصم كلمات مش عارف نطقها ولا عارف

مرادفات ليها ولا استخداماتها!! أهم حاجة لما يروح يسمع يكون حافظ.. وطبعا لو سمع الكلمة دي

من أي حد قدامه كأنه أول مرة ياخدها..

أما الإنجليزي كلغة يعني أنك قادر على القيام بعمليتين رئيسيتين هما:

استقبال رسالة

وارسال رسالة..

to recieve a message

and

to send a message

وهذا ما لم نكن نتدرب عليه اطلاقا إلا من رحم ربي..

وطبعا العملية الأولى مهمة جدا لإنجاح العملية الثانية ( أي أن نجاح الثانية مترتب على نجاح الأولى) فإذا فشلت في استقبال رسالة الشخص الذي أمامك فلن ترسل إليه رسالة سليمة.. هذا واضح جدا طبعا.. ايه؟ مش واضح؟ طيب..

يعني لو حد سألك عن الطريق إلى الجزار مثلا

(لاحظ دايما في الكتب بيسألوا عن الفندق أو محطة القطار لكن أمثلتي واقعية جدا زي مانت شايف

:-))..

لو حد سألك عن مكان الجزار وانت فهمت كلمة الجزار دي حاجة تانية يبقى حتبعت الراجل لحتة تانية خالص وحيدعي عليك بالانجليزي للصبح..

علشان كده كانت الاستماع listenning أهم مهارة في اللغة الإنجليزية

وقديما قالوا

LISTENING IS LANGUAGE

ولكن علشان نسمع صح لازم أصلا ننطق صح..